Keçid linkləri

2024, 28 Mart, Cümə axşamı, Bakı vaxtı 16:10

«Hasarın o üzündə» nələr var?


-
Oktyabrın 10-dan Azərbaycan Dövlət Gənc Tamaşaçılar Teatrında yeni tamaşanın hazırlığına başlanacaq.
Teatrın mətbuat xidmətindən AzadlıqRadiosuna verilən bilgiyə görə, bu, tanınmış yazıçı-dramaturq Əli Əmirlinin «Hasarın o üzü» adlı pyesi əsasında hazırlanacaq eyniadlı tamaşa olacaq.
Tamaşanın quruluşçu rejissoru Bəhram Osmanov, bəstəkarı Səyavuş Kərimi, səhnə tərtibatı İsmayıl Məmmədovdur.
Əli Əmirlinin «Hasarın o üzü» adlı pyesi bir ailə daxilində dinə ikili münasibətdən bəhs edən kəskin konfliktli, iti süjetli səhnə əsəri kimi düşünülüb.
Dinə baxış, insan mənəviyyatı, əxlaqi prinsiplər, milli mentalitet və cəmiyyətin bu dəyərlərə münasibəti bir ailə çərçivəsində bütün kəskinliyi ilə bədii obrazlar vasitəsilə önə çəkilib.
Tamaşa Mədəniyyət və Turizm Nazirliyinin sifarişi ilə hazırlanacaq.
Əsas obrazları Xalq Artistləri Həmidə Ömərova, Nurəddin Mehdixanlı, aktyorlar Günel Məmmədova, Şəbnəm Hüseynova, Asya Atakişiyeva ifa edəcəklər.
İlk tamaşanın bu il noyabrın sonunda keçirilməsi nəzərdə tutulub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG