-
Amerikalı fotoqraf Patrick Witty 2001-ci il sentyabrın 11-də Əkiz Qüllədən aşağı düşən adamlara baxa bilməyib və üzünü Park Rov və Beekman küçəsində bu dəhşəti seyr edənlərə çevirib. Bina uçan vaxtı o, bu şahidlərin fotosunu çəkib. Deyir ki, adamların üzündə bir dəhşət, inamsızlıq görüb.
Uzun illərdən sonra Patric Witty həmin şəkli sosial mediada yayıb. O, həmin şəkildəki adamları axtarır. Patric Mahsable-in müxbiri ilə söhbətində o deyib ki, bir il əvvəl bu fotonu Facebooka yerləşdirəndə həmin şəkil 10 min dəfə paylaşılıb. “Mən o vaxt bu fotodakı 2 adamı müəyyənləşdirə bildim. Həmişə maraqlanırdım ki, bu adamların taleyi necə oldu. Fikirləşirdim ki, həmin adamlar o saatda Əkiz Qüllənin yanında nə edirdilər və sonra nələr oldu. Məsələn, ortada olan Benjamin (asiyalı) həmin səhər Dünya Ticarət Mərkəzinə iş üçün gəlmişdi, amma o müsahibəyə gecikmişdi”.
Fotoqraf deyir ki, şəkildəki adamlar haqqında məlumat toplaya bilir. Artıq 6 nəfəri müəyyənləşdirib.
“Adamları tapmaqda hansı sosial media effektiv olub” sualına Patric Witty belə cavab verib: “Mən əvvəlcə Time-de yerləşdirdim, sonra foto Yahoo-da, Twitterdə, Reddit, İnstagramda yayıldı”.
Patric Witty həmin fotonu çəkdiyi anı belə xatırlayıb: “Binadan düşən meyitləri seyr etməyə dözə bilmədim. Arxaya çevrildim. Bu zaman dəhşətdən donub qalmış üzlər gördüm. Fotoaparatım üstümdəydi. Onların şəklini çəkdim, bu zaman arxada Cənub Qüllə uçmağa başladı. Mən isə ora baxanları çəkirdim".
Patric Witty fotodakı adamlardan artıq altısının kimliyini müəyyənləşdirə bilib.
