-
Rusiyada yaşayan həmvətənimiz, rejissor və prodüser, bir sıra beynəlxalq kino müsabiqələrinin laureatı Rodion İsmailovun «Köç» sənədli filmi VI Beynəlxalq «Faito doc Festival» sənədli filmlər festivalında əsas mükafatı qazanıb.
Mədəniyyət və Turizm İdarəsinin yaydığı xəbərə görə, festival İtaliyanın Neapol şəhərində keçirilib.
«Köç» filmi Azərbaycan və onun qədim adət-ənənələrindən danışır.
Filmdə Azərbaycanda bütün ömrü boyu yaylaqlardan qışlaqlara və əks istiqamətə köç edən, heyvandarlıqla məşğul olan insanların çətin və maraqlı taleyi işıqlandırılıb.
Nəsildən-nəslə keçən bu çətin peşəni çobanlar səbir və məharətlə davam etdirirlər.
Film 2010-cu ildə Azərbaycanın «DS film» studiyasında istehsal olunub.
52 dəqiqəlik ekran əsərinin çəkilişləri Tovuz və Daşkəsəndə aparılıb.
«Köç» bundan əvvəl 30-dək beynəlxalq festivalda iştirak edib.
Rodion İsmailovun Youtube kanalında yerləşdirdiyi film:
Rodion İsmailovun Youtube kanalında yerləşdirdiyi film:
