Keçid linkləri

2016, 11 Dekabr, bazar, Bakı vaxtı 16:16

Gürcüstan müsəlmanları məscid minarəsinin sökülməsinə etiraz edir


Arxiv foto

Arxiv foto

-
Gürcüstanın müsəlmanlar yaşayan Adıgen rayonunda bir məscid minarəsinin sökülməsi ilə bağlı etirazlar davam edir. Avqustun 27-də Gürcüstanının müxtəlif yerlərində yaşayan müsəlmanlar Tbilisiyə axışır. Onlar minarənin sökülməsinə etiraz edir, etirazlar zamanı həbs olunan onlarla Adıgen sakininin azad olunmasını tələb edirlər.

Bir neçə gün öncə Gürcüstanın dövlət orqanları Çela kəndinin yerli pravoslav icmasının müraciəti əsasında kənddəki məscid minarəsinin sökülməsinə qərar verib. Bu isə gürcü-müsəlman sakinlər arasında narazılıqla qarşılanıb.

Minarənin sökülməsinə yüzlərlə yerli sakin etiraz edib. Gürcüstanın Daxili İşlər Nazirliyinin xüsusi təyinatlıları etirazçıları ərazidən uzaqlaşdırıb. Təxminən 20-ə yaxın adam həbs olunub.

Bu arada Gürcüstanın Maliyyə Nazirliyinin gəlir xidməti məscid minarəsinin sökülməsini «əmlak ekspertizası»nın keçirilməsinə ehtiyacın yaranması ilə izah edib.

Günün bütün mövzuları

Şərhləri göstər

XS
SM
MD
LG