Keçid linkləri

logo-print
2016, 06 Dekabr, çərşənbə axşamı, Bakı vaxtı 04:58

Sumqayıt 2 rayona bölünür


Yaxın vaxtlarda Sumqayıt şəhəri 2 rayona bölünəcək. Lent.az-ın məlumatına görə, bu barədə Sumqayıtın Baş Planının müzakirəsi zamanı şəhər icra hakimiyyətinin başçısı Eldar Əzizov deyib.

O, bildirib ki, bölgü 9 oktyabr prezident seçkisindən sonra həyata keçiriləcək. Lakin E. Əzizov bölgünün hansı ərazidən aparılacağını və rayonların adlarını açıqlamayıb. Şəhər sakinləri arasında gəzən söz-söhbətlərə əsasən, rayonlardan biri Tağıyev qəsəbəsindən Sumqayıtın 9-cu mikrorayonunadək olan ərazini əhatə edəcək. Digər rayonun sərhədləri isə 9-cu mikrorayondan Abşeron rayonunun Saray qəsəbəsinədək nəzərdə tutulub.

E. Əzizov Sumqayıtın Abşeron rayonunun bəzi əraziləri hesabına genişləndiriləcəyini də açıqlayıb.

İcra başçısının sözlərinə görə, artıq Abşerondakı həmkarı Zakir Fərəcovdan razılıq alınıb və yalnız hökumətin müsbət qərarı qalıb. O, Baş Planın müzakirəsi zamanı yeni tikintilər üçün məhz həmin ərazilərin ayrılmasını məqsədəuyğun sayıb. E. Əzizov bildirib ki, planı hazırlayanların tikinti üçün təklif etdiyi digər ərazidə villalar, geniş mənzillər tikildiyindən, həmin evlərdə yaşayanların köçürülməsi həm iqtisadi, həm də şəhərin görkəmi baxımından münasib sayıla bilməz.

Günün bütün mövzuları

XS
SM
MD
LG