Rüstəm İbrahimbəyovun sənədləri MSK-ya təqdim olunub

-

Milli Şuranın vahid namizədi Rüstəm İbrahimbəyovun seçki sənədləri Mərkəzi Seçki Komissiyasına təqdim olunub. Bunu avqustun 22-də Mərkəzi Seçki Komissiyasının iclasında Komissiya sədri Məzahir Pənahov deyib.

Bildirib ki, sənədlər yoxlandıqdan sonra namizədliyin təsdiqi MSK üzvlərinin müzakirəsinə çıxarılacaq.

MSK-nın növbəti iclası avqustun 24-də keçiriləcək.

Bu günkü iclasda öz təşəbbüsü ilə namizədliyi irəli sürülən Qüdrət İsaqovun namizədliyi qeydə alınıb.

Ümumilikdə indiyədək 18 nəfərin namizədliyi irəli sürülüb, onlardan 15 nəfərin namizədliyi təsdiqlənib. MSK İlham Əliyev, Əhməd Oruc, İlqar Məmmədov (İlqar Altay), İqbal Ağazadə, Fuad Əliyev, Əli Əliyev, Araz Əlizadə, Qüdrət Həsənquliyev, Hafiz Hacıyev, Zahid Oruc, Fərəc Quliyev, Ərəstun Oruclu, Elşən Həsənov, İsmayıl Yusifov və Qüdrət İsaqovun namizədliklərini təsdiqləyib.

Azərbaycanda prezident seçkiləri oktyabrın 9-da keçiriləcək.