Keçid linkləri

2016, 10 Dekabr, şənbə, Bakı vaxtı 12:56
-
Bakıətrafı qəsəbələrə elektrik qatarlarının hərəkəti bərpa olunacaq.

Bu layihə «Böyük Bakının Regional İnkişaf Planı» çərçivəsində dayanıqlı nəqliyyatın reallaşdırılması istiqamətində nəzərdə tutulan təkliflər arasında yer alıb.

Bu barədə apa-ya Dövlət Şəhərsalma və Arxitektura Komitəsi beynəlxalq əlaqələr və informasiya şöbəsinin müdiri Cahangir Qocayev bildirib.

Şöbə müdirinin dediyinə görə, Bakı Dəmir Yolu Vağzalında dəmiryolu relslərinin sayının azaldılması planlaşdırılır:

«Bu vağzalın gələcəkdə elektrik və xüsusi qatarlar üçün fəaliyyət göstərməsini nəzərdə tuturuq. Əvvəllər Bakıda belə vağzal olub, təklif etdiyimiz plan əsasında onu bərpa etməyi planlaşdırırıq».

Elektrik qatarları əvvəllər olduğu kimi, Bakı və Bakıətrafı qəsəbələrə hərəkət edəcək. Elektrik qatarlarının hərəkəti bir neçə il öncə dayandırılıb.

Bakıda yerüstü metrobusların da fəaliyyət göstərməsi planlaşdırılır. Cahangir Qocayev bununla bağlı bildirib ki, yerüstü metrobusların işləməsi konkret ərazilərin müfəssəl planları işləndikdən sonra mümkün olacaq.

Günün bütün mövzuları

XS
SM
MD
LG