Keçid linkləri

2016, 07 Dekabr, çərşənbə, Bakı vaxtı 12:44

Misir prezidenti vəd verir, istefa vermir


-


Misirdə Ordunun 48 saatlıq ultimatumunun başa çatmasına bir neçə saat qaldığı vaxtda prezident Mohamed Morsi istefa verməyəcəyini və «konstitusion qayda-qanunu» həyatı bahasına olsa belə qoruyacağını bildirib.

Ötən gün axşam milli televiziyayla yayımlanan çıxışı zamanı Morsi ölkədəki qarışıqlığa görə sabiq prezident Hosni Mubarak-in tərəfdarlarını ittiham edib.

M. Morsi opponentləri ilə konsensus əldə etmək üçün islahatlar keçirəcəyinə də vəd verib.

Bu arada bu gün günün ikinci yarısında Misir ordusunun prezident və müxalifətə fikir ayrılıqlarının aradan qaldırılması üçün verdiyi 48 saat başa çatır. Ordu rəhbərliyi bildirib ki, əgər siyasətçilər razılığa gəlməsə öz yol xəritələri ilə Misiri böhrandan çıxaracaqlar.

Minlərlə prezident Morsi tərəfdarı ilə əleyhdarı Qahirənin Təhrir meydanında və ölkənin digər şəhərlərində etiraz aksiyalarını davam etməkdədir.

Dünyəvi müxalifət Misirin islamçı prezidentinin istefasını tələb edir, kütləvi aksiyalar keçirir, onun ölkənin dünyəvi quruluşuna zərbə vurduğunu iddia edir.

Günün bütün mövzuları

Şərhləri göstər

XS
SM
MD
LG