Keçid linkləri

2016, 07 Dekabr, çərşənbə, Bakı vaxtı 12:44
-
Mingəçevir sakini Vüsal Abdulkərimov “Qaynar xətt”ə Mingəçevir Tibbi Sosial Ekspertiza Komissiyasından (TSEK) şikayət edib. Deyir, 2009- ilin iyul ayında hərbi xidmətə gedib. 2010-cu ilin martında evə məzuniyyətə gəlib, 2 həftədən sonra məzuniyyət müddəti başa çataıb. Hərbi hissəyə qayıdanda Ələt-Astara yolunda avtomobil qəzasına düşüb. Bir əsgər yoldaşı yerindəcə keçinib. O isə ağır yaralanıb. 11 qabırğası qırılıb, dalağı partlayıb, ağciyər kontuziyası alıb. Onu hərbidən tərxis ediblər. Mərkəzi Tibbi Sosial Ekspertizanın rəyi ilə II qrup əlillik təyin olunub. 2 ildir ki, əlilliyinə görə rayon poliklinikasında daimi qeydiyyatdadır. İndi TSEK-də ona təqaüdü ilə bağlı problemlər yaranıb:
«Vaxtaşırı ambulator müayinə olunuram, sənədləri zona TSEK-nə təqdim edirəm və 44 manat müavinətimi alıram. Ancaq indi TSEK-in sədri mənə deyir ki, sən 6 ay stansionar müalicə almalısan. Yəni 6 ay xəstəxanada yatmalıyam. Halbuki, mən 2 il əvvəl 6 ay xəstəxanada yatıb müalicə almışam».
6 AYLIQ STASİONAR MÜALİCƏ ALMAQ MƏCBURİDİR?
Hüquqşünas Səbuhi Axundov rayon TSEK rəisinin tələbinin qanunla əsaslı olduğunu deyir:
«Qanuna görə, əlillik dərəcəsi almaq üçün işləyən şəxslər 6, işləməyələr isə 3 ay stasionar müalicə almaq məcburiyyətindədilər. Ancaq şəxsə artıq 2 il əvvəl əlillik dərəcəsi verilibsə, bu müddət ərzində ambulator müayinələrdən keçib nəticələrini yerli TSEK-ə təqdim edibsə, onun uzun müddət xəstəxanada müalicə almasına ehtiyac yoxdur. Ola bilsin ki, ambulator müayinələrin nəticəsi qənaətbəxş olmadığına görə TSEK rəisi ona məcburi müalicə təklif edib».
Mingəçevir TSEK-dən «Qaynar xətt»ə bildirdilər ki, Vüsal Abdulkərimov ambulator müalicənin nəticələri ilə bağlı tam sənədləri onlara təqdim etmədiyinə görə onun əlillik dərəcəsinin uzadılması məsələsinə hələlik aydınlıq gətirmək mümkün deyil.

Siz də şikayətinizi buradan göndərə bilərsiz

ƏLAQƏ ÜÇÜN

nömrəmiz (+420) 778 711 700

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG