İyunun 18-də səhər saatlarında İstanbulun Terrorla Mübarizə şöbəsinin əməkdaşları Gezi Parkı hadisələri ilə bağlı bəzi ünvanlarda əməliyyat keçiriblər.
Türkiyə mediasının məlumatına görə, əməliyyat zamanı 90-a yaxın adamın saxlandığı, saxlananlardan 3 tapança tapıldığı bildirilir.
İstanbulun Taksim meydanı və Gəzi parkında yenidənqurma işləri zamanı ağacların kəsilməsinə etiraz olaraq mayın 31-də İstanbulda aksiya başlayıb. Az sonra aksiya paytaxt Ankara da daxil olmaqla, ölkənin digər şəhərlərinə yayılıb.
Polis aksiyaları dağıdarkən gözyaşardıcı qaz, bibər qazı və sudan istifadə edib. İndiyədək azı 4 adamın öldüyü bildirilir.