Üsyançılar Colan yüksəkliklərindəki hərbi məntəqəni ələ keçirib

Suriya üsyançıları bu gün Colan yüksəkliklərindəki sərhəd məntəqəsini ələ keçiriblər.

Əl Quneytra məntəqəsi İsraillə Suriya arasındakı bufer zonasında yerləşir.
Bu barədə İsrail radiosu xəbər verir.
Məlumatı Londonda fəaliyyət göstərən suriyalı hüquq müdafiəçiləri və bu zonaya nəzarət edən Avstriyanın müdafiə nazirliyidə təsdiqləyib.

Məlumatlara görə Avstriyanın sülhü-mühavizə qüvvələri məntəqədən geri çəkiliblər.

Suriyanın dövlət televiziyası isə məlumatı təkzib edib və Suriya ordusunun bu rayonda üsyançıları təqib etdiyini bildirib.