Nəsimi rayon Məhkəməsinin qərarı ilə Əbülfəz Qurbanlı, Turqut Qəmbər və İlkin Rüstəmzadə 10 sutka həbs cəzası alıb.
3 NƏFƏR SAXLANIB
Azərbaycan Dövlət Neft Akademiyasında (ADNA) baş verən qətliamın anım mərasimində saxlanan 3 nəfər - NİDA üzvü Turqut Qəmbər, AXCP Gənclər Komitəsinin sədri Əbülfəz Qurbanlı və Azad Gənclik Təşkilatının üzvü İlkin Rüstəmzadə Nəsimi rayon Məhkəməsinə aparılıb.
Bu barədə AzadlıqRadiosuna NİDA Hərəkatının üzvü Kənan Qasımlı məlumat verib.
Hazır məhkəmə prosesi davam edir.
POLİS İMKAN VERMƏDİ
ADNA-da törədilən terror aktının ildönümü ilə əlaqədar bir qrup gənc Akademiyanın binası qarşısında anım tədbiri keçirməyə cəhd edib.
Ərazidə olan polislər gənclərin anım mərasiminə icazə verməyiblər.
Gənclərin bir qrupu isə Bulvarda, konsert keçiriləcək əraziyə etiraz əlaməti olaraq güllər qoyublar, şüarlar səsləndiriblər.
Anma mərasimi bir neçə dəqiqə davam edib.
Fotoqalereya
ADNA-dakı qətliamın 4-cü ildönümü
Azərbaycan Dövlət Neft Akademiyasında törədilən qırğının 4-cü ildönümü ilə əlaqədar bir qrup gənc aprelin 30-da Bakıda akademiyanın binası qarşısında anım tədbiri keçirməyə cəhd edib. Amma polis mərasimin keçirilməsinə imkan vermyəib. Gənclərin bir qrupu isə Bulvarda, konsert keçiriləcək əraziyə etiraz əlaməti olaraq güllər qoyublar, şüarlar səsləndiriblər. Mərasimdən fotolar.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
