Keçid linkləri

2016, 08 Dekabr, Cümə axşamı, Bakı vaxtı 08:28
-
Aprelin 29-da, saat 19:00-da Beynəlxalq Muğam Mərkəzində muğam ustadı Xan Şuşinskinin virtual muzeyinin - memorial saytının təqdimat mərasimi keçiriləcək.

Xəbəri Mədəniyyət və Turizm İdarəsi yayıb.

Xan Şuşinski Fondunun prezidenti, sənətkarın qızı Bəyimxanım Verdiyeva-Cavanşirova virtual muzeyin 3 dildə olacağını bildirib.

Sayt Rabitə və İnformasiya Texnologiyaları Nazirliyinin maliyyə dəstəyi ilə hazırlanıb.

Virtual muzey Mədəniyyət və Turizm Nazirliyi, Xan Şuşinski Fondu və «Musiqi dünyası» jurnalının təşkilati dəstəyi ilə yaradılıb.

Misilsiz ifasına görə «Xan» adını qazanmış İsfəndiyar Cavanşir 1901-ci ildə Şuşada doğulub.

Bənzərsiz səsi olan bu muğam ustası mahnılar da bəstələyib.

Onun «Qəmərim», «Şuşanın dağları» mahnısı indi də dillər əzbəridir.

Xan əmi 1979-cu il martın 18-də Bakıda dünyadan köçüb.

Günün bütün mövzuları

XS
SM
MD
LG