Keçid linkləri

2016, 09 Dekabr, Cümə, Bakı vaxtı 04:34
-

Güman edirəm ki, doktoranturaya daxil olan gənclərin hərbi xidmətdən azad edilməsi məsələsində hökumətlə, Milli Məclislə razılığa gələ bilərik. Bunu cümə günü Trend-ə Azərbaycan Milli Elmlər Akademiyasının prezidenti Akif Əlizadə deyib.

O, doktoranturaya daxil olan gənclərin hərbi xidmətdən azad edilməsini çox istədiklərini deyib.

"İstedadlı adam doktoranturaya daxil olduqdan sonra hərbi xidmətə aparılanda bilik zəncirində qırılma təhlükəsi yaranır. Güman edirəm ki, hökumətlə, Milli Məclislə bu məsələdə razılığa gələ bilərik", - Əlizadə bildirib.

O qeyd edib ki, bu il AMEA müəssisələrində doktorantura üçün ayrılmış plan yerləri tam dolmadı.

"Bu yerlərin dolmamağı onu göstərir ki, elmə maraq azalmaqdadır. Bizim ən böyük vəzifəmiz AMEA-nın, elmin nüfuzunu qaldırmaqdır. İndi gəncləri doktoranturaya güclə gətirmək mümkün deyil. Biz gənclər arasında AMEA-nın imkanlarını, maddi-texniki bazası haqqında məlumatları, akademiyanın gələcək stimulları haqqında təbliğatı elə aparmalıyıq ki, gənclər elmə cəlb olunsun", - akademiya prezidenti əlavə edib.

AMEA-da ixtisarlar da olacaq.

“Azərbaycan Milli Elmlər Akademiyasının (AMEA) Rəyasət Heyətinin indiki strukturu bu gün üçün yararlı deyil. Bu strukturda xeyli sayda şişirtmələrə yol verilib. O strukturun çox hissəsini ləğv edib, yeni şöbələr yaradacağıq”.

Bu fikirləri A.Əlizadə APA-ya müsahibəsində deyib.

Onun sözlərinə görə, artıq bununla bağlı AMEA-nın akademik-katibi Rasim Əliquliyevə tapşırıq verilib: “Yeni yaradılan şöbələrə aktiv alimlər cəlb ediləcək. Rəyasət Heyətindən sonra AMEA-nın institutlarında da ixtisarlar ola bilər”.

Günün bütün mövzuları

Şərhləri göstər

XS
SM
MD
LG