-
Boston faciəsinin xronologiyası
15 aprel.
- Saat 14.50 - Boston şəhərində keçirilən kütləvi marafon yarışının finiş xətti yaxınlığında bir-brinin ardınca 2 partlayış baş verir.
- Partlayışlar nəticəsində 3 nəfər həlak olur, 8 yaşlı oğlan Martin Richard, 29 yaşlı qadın Krystie Campbell və 23 yaşlı Cinli tələbə qız Lu Lingzi
- 170 nəfər yaralanır, 3 yaralın həyatla ölüm arasındadır.
18 aprel.
- Yerli vaxtla saat 17 radələrində polis 2 şübhəlinin foto və videosunu dərc edib, əhalidən kömək istəyir. Bir qədər sonra şübhəlilərin 26 yaşlı Tamerlan və 19 yaşlı Dzohkhar Tsarnaev qardaşları olduğu deyilir.
- Saat 22.30 radələrində Votertaunda polislə Tsarnaevər arasında atışma baş verir. Bir polis nəfəri öldürülür, digəri yaralanır. Atışmada Tamerlan öldürülür, Dzhokhar isə qaçıb aradan çıxır. Polis ərazini mühasirəyə alıb əhalidən evdə qalmağı xahiş edir. Bütün gecəni ərazidə axtarış aparılır.
19 aprel.
- Bütün Boston şəhərində ictimai nəqliyyatın hərəkəti dayandırlıb. Polis əhalindən evdə qalmağı xahiş edir. Bütün günü şəhərdə axtarışlar aparılır. Evdə qalmaq əmri saat 18-də ləğv edilir.
- Saat 19 radələrində Votertaunda atışma baş verir. Məlum olur ki,hava almağa çıxan yerli sakinlərdən biri, yaralı Tsarnaevi öz həyətindəki qayığın içində görür və polisə zəng edir. Təhlükəsizlik qüvvələri ilə Tsarnaev arasında qısa atışma baş verir (bəzi mənbələrə əsasən atışma olmur, sadəcə polis xüsusi şok bombaları tətbiq edir).
- Saat 20.45-də polis şübhəli şəxsin həbs olunduğunu elan edir. Onu "Beth Israel Deaconess Medical Center" xəstəxanasına aparırlar.