Keçid linkləri

logo-print
2016, 06 Dekabr, çərşənbə axşamı, Bakı vaxtı 07:19

Marquez-in "Vəba günlərində eşq” romanı Azərbaycan dilində


Book by Gabriel Garcia Marquez

Book by Gabriel Garcia Marquez


-

"Qanun" nəşriyyatı Nobel mükafatlı Kolumbiya yazıçısı Qabriel Qarsia Markesin “Vəba günlərində eşq” romanını Azərbaycan dilində çap edib.

Əziz Rzazadənin çevirdiyi roman gənc teleqrafçı Florentina Arisa və varlı ailədən olan gözəl Fermina Dasanın məhəbbəti haqqındadır.

Əsərin qəhrəmanı Florentina Ferminaya əbədi məhəbbət bəxş edəcəyini desə də, o daha imkanlı şəxsə – doktor Xuvenal Urbinoya ərə gedir.

Bu evlilikdə Ferminanın atasının da böyük rolu olur.

O, kasıb teleqrafçının yox, tanınmış həkimin qayınatası olmağı üstün tutur. Bunun üçün bir çox əziyyətlərə qatlaşaraq xoşluqla olmasa da qızını yolundan döndərə bilir.

Ancaq bütün çətinliklərə, qadağalara baxmayaraq Florentina öz məhəbbətindən bir addım da geri çəkilmir və sevgilisinə qovuşacağı günə olan inamı onu heç vaxt tərk etmir.

Ağrı-acılar, təsadüfi eşqlərlə dolu zaman keçir və Florentina da varlı, cəmiyyətin hörmət etdiyi şəxs olur.

Və düz 51 il 9 ay 4 gündən sonra sevgisinə – illərlə həsrətini çəkdiyi Ferminasına qovuşur. Bununçün o, səbirlə doktorun ölümünü gözləyir...

Günün bütün mövzuları

XS
SM
MD
LG