Keçid linkləri

2024, 19 Mart, çərşənbə axşamı, Bakı vaxtı 13:41

Nigar Yaqublu: «Ən çox düşünürdüm ki...»


Nigar Yaqublu (Arxiv foto)
Nigar Yaqublu (Arxiv foto)
-
Müsavat Partiyası Gənclər Təşkilatının sədr müavini Nigar Yaqublu Kürdəxanı təcridxanasından Lökbatanda yerləşən məntəqə tipli cəzaçəkmə müəssisəsinə köçürülür. O Lökbatana gedənə qədər evdə qalacaq.

Nigar Yaqublu ölümlə nəticələnən avtomobil qəzasında təqsirli bilinərək məhkum olunub. Ötən il dekabrın 19-da Abşeron rayon Məhkəməsi cəzasını məntəqə tipli cəzaçəkmə müəssisəsində çəkməklə onu 2 il 6 ay azadlıqdan məhrum edib.

Azadlıqda olan Nigar Yaqublu AzadlıqRadiosuna müsahibə verib.

- Nigar xanım, bundan sonra gündə 12 saat evdə olacaqsız?

- Bundan sonra necə olacaq bilmirəm. Gedəcəyik məntəqəyə, orda müəyyənləşdirəcəklər ki, cəzamı necə, hansı şəkildə çəkim.

- Nə vaxt gedəcəksiz?

- İki-üç gün evdə olacağam hələ.

- Artıq azadlıqdasız, dadını çıxara bilirsizmi?

- Azadlıqda olmaq, çox, çox möhtəşəm bir şeydir. Olduqca.

- Nə üçün daha çox darıxmışdız?

- Ay aman! Ən çox düşünürdüm ki, nə vaxt sərbəst, konvoysuz gəzəcəm, özüm harasa gedib-gələcəm.

- Sərbəst harasa getdinizmi?

- Yox. Dünən gəldiyim üçün hələ özümü çölə çıxmağa hazır hiss etmirəm. Hələ şokdan çıxmamışam...

- Evdəkilər də yəqin şokdadırlar.

- Anam hələ də inana bilmir. Sevincinin həddi-hüdudu yoxdur. Mən də darıxmışdım. Ən çox da qardaşım üçün. Onun hər dəfə həbsxanaya gəlmək imkanı olmurdu.

- Evə gəldiniz. Amma atanız – Müsavat Partiyası başqanının müavini Tofiq Yaqublu həbsdədir. İsmayıllı hadisələrinə görə təqsirli bilinir.

- Gələndə həm sevindim, həm pis oldum. Sevindim ki, evə gələcəm, üzüldüm ki, atamı orda qoyub gəlirəm.

- Həbs həbs ardınca, əvvəlcə siz, sonra atanız...

- Deyim ki, gözləmədiyimiz bir şey olur, yox, gözləyirdik. Ona görə də bu şeylərə o qədər təəssüblənmirik.

- Bu qərara münasibətiniz?

- İstənilən halda məhkəmə bitmişdi və məni məntəqəyə “etap” etməliydilər. Görək sonrası nə olur.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG