Keçid linkləri

2016, 06 Dekabr, çərşənbə axşamı, Bakı vaxtı 16:29

Jurnalistləri Müdafiə Komitəsi Azərbaycanda təqiblərin davam etdiyini bildirir


Beynəlxalq Jurnalistləri Müdafiə Komitəsi

Beynəlxalq Jurnalistləri Müdafiə Komitəsi

-
Beynəlxalq Jurnalistləri Müdafiə Komitəsi 2012-ci ildə mətbuata hücumlarla bağlı illik hesabatını yayıb.

Hesabatın Azərbaycana aid hissəsində ölkədə jurnalist və yerli fəallara qarşı hücum və təqiblərin davam etdiyi bildirilir.

Xüsusilə də Bakıda keçirilən «Eurovision-2012» mahnı müsabiqəsi və İnternet İdarəçilik Forumu zamanı etirazların zorakılıqla boğulduğu qeyd edilir.

Hesabatda daha sonra hakimiyyəti tənqid edən azı 9 jurnalistə xuliqanlıq, dələduzluq və narkotik maddələr saxlamaq da daxil olmaqla müxtəlif ittihamlar irəli sürüldüyü bildirilir.

Jurnalistləri Müdafiə Komitəsi bu ittihamların hamısını qondarma və əsassız sayır.

Bundan başqa, hesabatda İdrak Abbasov da daxil olmaqla bir sıra müstəqil jurnalistin döyüldüyü, bu hücumların arxasında duran polis və təhlükəsizlik qüvvələrinin isə cəzasız qaldıqları qeyd edilir.

Həmçinin, hakim ailənin böyük biznes maraqlarından yazan jurnalist Xədicə İsmayılovaya qarşı «mənfur» kampaniya aparıldığı, rəsmi kütləvi informasiya vasitələrində onun şərəf və ləyaqətinə qara yaxıldığı bildirilir.

Günün bütün mövzuları

XS
SM
MD
LG