Keçid linkləri

2016, 08 Dekabr, Cümə axşamı, Bakı vaxtı 22:35
Naxçıvan MR hökuməti əcnəbilərin 2013-cü il üçün əmək miqrasiyası kvоtası haqda qərar qəbul edib.

Turan İnformasiya Agentliyinin məlumatına görə, Nazirlər Kabinetinin qərarı ilə ayrı-ayrı iqtisadi sahələr üzrə əmək miqrasiyası kvоtası müəyyən edilib. Qərar bu ilin fevralından qüvvəyə minib.

Bu il Naxçıvanda fəaliyyət göstərən şirkətlər 1045 əmək miqrantı qəbul etmək imkanı əldə ediblər. Onların əsas hissəsi tikinti (550) və emal sənayesi (250) üzrə olacaq. Kvotalar iqtisadi fəaliyyətin bütün sahələri, o cümlədən təhsil (40 nəfər) və səhiyyə (20) üzrə tətbiq edilir.

Statistik məlumatlara əsasən, Naxçıvan MR-da 400 min nəfər yaşayır.
İqtisadi aktiv əhalinin bir xeyli hissəsi iş üçün Bakı və Türkiyəyə üz tutub.

Azərbaycandakı mərkəzi hakimiyyət hələlik 2013-cü il üçün əmək miqrasiyası kvоtası haqda qərar qəbul etməyib. 2011-ci ildə Əmək və Əhalinin Sosial Müdafiəsi Nazirliyi Miqrasiya İdarəsi 8 708 əmək miqrantına icazə verib. Kvota 9 815 nəfər olub. 2010-cu ildə kvota 10,7 min nəfər təşkil edib
XS
SM
MD
LG