Keçid linkləri

2016, 08 Dekabr, Cümə axşamı, Bakı vaxtı 14:21
-
Fevralın 7-də İsmayıllı rayonunun Hacıhətəmli kəndinin 6 sakini yenidən polisdə dindirilib.

Bu haqda AzadlıqRadiosuna onlardan biri - Şahin Əliyev məlumat verib.

Şahin Əliyev deyib ki, onları İsmayıllıdakı aksiyalarla bağlı 9 saatdan artıq sorğu-sual ediblər:

«Bizi buraxsalar da dedilər ki, istənilən vaxt sizi yenə çağıra bilərik».

Hacıhətəmli kəndinin 6 sakini - Şahin Əliyev, Rza Əhmədov, Qürbət Xəlilov, İlham Ramazanov, Ülfət Qəribov və Mahir Əliyev fevralın 6-da da yerli polisdə dindirilmişdi.

POLİSƏ ÇAĞIRILANLAR BURAXILIB

Hacıhətəmli kəndinin 6 sakini saat 20:00 radələrində evə buraxılıblar.

Bu barədə AzadlıqRadiosuna polisə ifadə verənlərdən biri - Şahin Əliyev bildirib:

«Bizi aksiyalarla bağlı sorğu-sual etdilər. Deyirlər guya kimisə döymüşük və sair».

Şahin Əliyevin dediyinə görə, onları fevralın 7-də yenidən polisə çağırıblar.

***
Fevralın 6-da İsmayıllı rayonunun Hacıhəsənli kəndinin 6 sakininin polisə aparıldığı bildirilir. Məlumata görə, onlar Şahin Əliyev, Rza Əhmədov, Qürbət Xəlilov, İlham Ramazanov, Ülfət QəribovMahir Əliyevdir.

Bu barədə AzadlıqRadiosuna adı çəkilən şəxslərin yaxınları məlumat veriblər.

Hazırda onların polis və prokurorluq əməkdaşları tərəfindən dindirildiyi bildirilir.

Rayon polis şöbəsinin rəis müavini Şöhrət Cəfərov isə AzadlıqRdiosuna saxlananlardan xəbərsiz olduğunu deyib.

İsmayıllı hadisələrinə görə saxlananların sayı rəsmi məlumatlara görə 14-ə çatıb.

Onlar özgənin əmlakını qəsdən məhvetmə və «hakimiyyət nümayəndəsinə qarşı müqavimət göstərməkdə ittiham olunurlar.

Yanvarın 23-də gecə İsmayıllıda kütləvi etiraz aksiyası başlayıb. Aksiyaçılar rayondakı «Çıraq» motelini, bir neçə maşını, icra başçısının həyətindəki bəzi tikililəri yandırıblar. «Azadlıq!», «İstefa!» şüarları səsləndirən etirazçılar icra başçısının istefasını, saxlananların buraxılmasını, rayondakı özbaşınalıqlara son qoyulmasını tələb ediblər.

Günün bütün mövzuları

Şərhləri göstər

XS
SM
MD
LG