Keçid linkləri

2016, 07 Dekabr, çərşənbə, Bakı vaxtı 20:55
Fevralın 1-dən Bakı şəhərinin pərakəndə ticarət obyektlərində siqaretlərin qiymətində mütəşəkkil qaydada artım müşahidə olunur.

APA-Economics xəbər verir ki, satış məntəqələrində həm yerli istehsal, həm də idxal olunan siqaretlərin 1 qutusu 10 qəpik bahalanıb.

Hələlik rəsmi qurumlar siqaretin bahalaşmasının səbəblərini şərh etmir.
Son günlər ölkədə tütün məmulatlarına aksiz vergilərinin dərəcəsində siqaretin bahalaşmasına səbəb olacaq dəyişiklik baş verməyib.
Ölkəyə siqaret idxalı ilə məşğul olan xarici şirkətlər isə siqaretin bahalaşmasının səbəblərini şərh etmək istəməyiblər.

Azərbaycanın ən böyük tütün məmulatları istehsalçısı olan «European Tobacco» şirkətindən isə «APA-Economics»ə bildirilib ki, şirkət öz məhsullarının qiymətlərini artırmayıb.

Şirkətin regionlar üzrə satış meneceri Vüsal Şirinov qeyd edib ki, «European Tobacco» məhsullarının topdansatış qiymətləri əvvəlki kimi qalıb və burada heç bir dəyişiklik yoxdur.

Topdansatış qiymətlərin artmadığı halda pərakəndə ticarət sektorunda «European Tobacco» məhsullarının da bahalaşmasına gəlincə, satış meneceri bildirib ki, qiymətlərin artımı hansısa vasitəçilərin və satıcıların təşəbbüsü ola bilər, amma şirkət bunu araşdıraraq öz məhsullarının bahalaşmasının qarşısını alacaq:

«Bizim topdansatış qiymətlərimiz qalxmayıb. Kimsə qaldırıbsa, bunu özü edib. Biz bu məsələni araşdıracağıq və satış qiymətinin özbaşına artımının qarşısını alacağıq».

Menecer həmçinin vurğulayıb ki, müəssisə öz məhsullarının topdansatış qiymətini müəyyənləşdirdiyi kimi, onların pərakəndə satış qiymətinə də nəzarət etmək imkanına malikdir.

Şərhləri göstər

XS
SM
MD
LG