Heydər Əliyevin Mexikonun «Dostluq» parkındakı heykəli götürülüb
Heydər Əliyevin Meksikada heykəli
Heydər Əliyevin Mexikonun «Dostluq» parkındakı heykəli götürülüb
-
Heydər Əliyevin heykəli Mexikonun mərkəzi küçəsindən götürülüb.
Meksika paytaxtının rəhbərliyi Azərbaycan tərəfi ilə danışıqlarda şəhərsalma normalarının pozulmasını rəsmi səbəb göstərib.
«RİA Novosti»nin məlumatına görə, yanvarın 26-na keçən gecə Azərbaycanın keçmiş prezidenti Heydər Əliyevin Mexikonun mərkəzi küçəsinin park zolağında yerləşən heykəli şəhərin başqa yerinə köçürülüb.
Sözügedən heykəl 2012-ci ilin avqustunda Azərbaycan tərəfinin maliyyəsi ilə hazırlanmışdı. Mexiko merinin daha öncə mediaya açıqladığına görə, heykəlin köçürülmə xərclərini meriya qarşılayacaqdı.
Söküntünün aparıldığı yeri 200-dək polis qoruyub. Bu zaman çevrədəki küçələrdə nəqliyyatın hərəkəti dayandırılıb.
Heykəlin haraya köçürülməsi barədə, hələlik, rəsmi məlumat yoxdur. Daha əvvəl Azərbaycan Respublikasının Meksikadakı səfiri İlqar Muxtarov «RİA Novosti» agentliyinə bildirmişdi ki, Mexiko meriyası ilə ilkin razılıq əsasında H.Əliyevin heykəli Azərbaycan tərəfinə şəhər civarında veriləcək ayrıca ərazidə yerləşdiriləcək. Bu ərazidə Azərbaycanın Mədəniyyət Mərkəzi açılmalıdır.
AzadlıqRadiosunu Rusiya hökuməti "arzuolunmaz təşkilat" elan edib.
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
