Keçid linkləri

logo-print
2016, 04 Dekabr, bazar, Bakı vaxtı 14:31
-
Yanvarın 24-də saat 13 radələrində bir neçə «KamAZ» sürücüsü Bakı-Rostov yolunun Şabran rayonu, Qəndab kəndi ərazisində yolu bağlayıb. Sürücülər Nəqliyyat Departamentinin yollara nəzarət edən işçilərinin onlardan apardıqları yükə görə rüşvət almalarına etiraz ediblər.

Hazırda yük maşınları Nəqliyyat Nazirliyinin 3 saylı iriqabaritli, ağırçəkili nəqliyyat vasitələrinə nəzarət bölməsinin qarşısındadır. Sürücülər isə Şabran rayon Polis Şöbəsinə aparılıblar. 3 saylı iriqabaritli nəqliyyat vasitələrinə nəzarət bölməsinin rəisi Müslüm Abıyev AzadlıqRadiosuna bildirib ki, bölmə əməkdaşları normadan artıq yük daşıyan maşınların hərəkətinə icazə vermir:

«Biz yollarda həmişə belə tədbirlər keçiririk. Yük maşınlarının normadan artıq yüklənməsi yolların bərbad vəziyyətə düşməsinə səbəb olur».

Müslüm Abıyev sürücülərdən rüşvət alınması ilə bağlı deyilənləri təkzib edib.

Şabran rayon Polis Şöbəsindən AzadlıqRadiosuna bildiriblər ki, bir neçə sürücü şöbəyə gətirilərək xəbərdarlıq olunub və buraxılıb.

Günün bütün mövzuları

XS
SM
MD
LG