Keçid linkləri

2016, 10 Dekabr, şənbə, Bakı vaxtı 18:48

TQDK orta məktəb şagirdləri üçün yeni imtahan keçirəcək


Prezidentin fərmanı ilə «Azərbaycan Respublikasının Tələbə Qəbulu üzrə Dövlət Komissiyası haqqında Əsasnamə»yə əlavələr edilib.

Komissiyadan Trend-ə verilən məlumata görə, yeni dəyişikliklərə əsasən, yekun qiymətləndirmənin (attestasiyanın) təşkili məqsədi ilə ümumi təhsil müəssisələrinin V-XI sinif şagirdləri arasında monitorinq imtahanları keçiriləcək. Bununla əlaqədar Nazirlər Kabinetinə bir sıra tapşırıqlar verilib.

Fərmana əsasən, NK iki ay müddətində Prezidentin aktlarının və Nazirlər Kabinetinin normativ hüquqi aktlarının bu fərmana uyğunlaşdırılması ilə bağlı təkliflərini hazırlamalı və bu barədə Prezidentə məlumatlar təqdim etməlidir. Mərkəzi icra hakimiyyəti orqanlarının normativ hüquqi aktlarının bu fərmana uyğunlaşdırılması nəzarətdə saxlanılmalı və bunun icrası barədə beş ay müddətində Prezidentə məlumat verilməlidir.

Komissiyanın mətbuat xidmətinin rəhbəri Elnur Nağızadə deyib ki, hazırda TQDK-da fərmanın icrasından irəli gələn işlərin müəyyənləşdirilməsi istiqamətində tədbirlər həyata keçirilir. Monitorinq imtahanı ilə bağlı məsələlər, eyni zamanda onun keçirilmə vaxtı barədə məlumatlar müzakirələr başa çatdıqdan sonra bəlli olacaq. Bu işlərin qısa müddətdə yekunlaşması nəzərdə tutulur.

Günün bütün mövzuları

XS
SM
MD
LG