Keçid linkləri

2016, 07 Dekabr, çərşənbə, Bakı vaxtı 12:49
-

Bu şeir son həftələrdə "Oxu zalı"na göndərilmiş əsərlər arasından seçilərək çap olunur. Bütün əsərlər imzası göstərilmədən Münsifə göndərilb.


Günel Eyvazlı


SƏBƏB

Hamının uyuyacağı yer
Torpaq deyil
Necə ki, bir buddist
Tonqalda yandırır
Atasını, anasını
Dəfn edir küləklərdə.

Dağlar onları aşmaq üçün
Deyil.
Nələrisə gizlətmək üçündür
Arxasında.

Günəş - sənin düşündüyün
İstilik deyil
Nə də işıq.
Bədəninin nəmini
Buxarlandırmaqdan ötrüdür.
Göydə bulud olsun
Yenidən yağmağa.

Bu dar yoldan
Bir-birinin ətəyindən
Tutaraq keçə bilər insanlar.

Və ya,
dəniz üzmək üçün deyil
Gəzmək olar İsa kimi üzərində,
Əgər, “onun məndən nəyi artıqdır”
ifadəsini
Düşünməsən.

Günün bütün mövzuları

XS
SM
MD
LG