Keçid linkləri

logo-print
2016, 04 Dekabr, bazar, Bakı vaxtı 16:40

Sosial şəbəkələrdə «Əsgər ölümlərinə «dur» deyək» kampaniyası başlayıb


-

2012-ci ilin oktyabrında hərbi xidmətə çağırılmış Ceyhun Zaman oğlu Qubadovun ölüsünün fotoları «Azadlıq» qəzetində yayıldıqdan sonra etiraz aksiyaları başlayıb. Əsgərin anası Samirə Qubadovanın bildirdiyinə görə, oğlu hərbi hissədə döyülərək öldürülüb.

Sosial şəbəkələrdə prezident İlham Əliyevə müraciət yayılıb. Müraciətdə bildirilir ki, orduda əsgər ölümlərinə diqqət ayrılmalı, problem təcili şəkildə həllini tapmalıdır.

Sözügedən olay bir qrup gəncin sosial şəbəkələrdə «Əsgər ölümlərinə «dur» deyək» kampaniyası başlatmasına da səbəb olub. Həmin gənclər yanvarın 12-də paytaxtın Fəvvarələr Meydanında aksiya keçirməyi də planlaşdırıblar. Aksiyaya çağırışda yazılıb:

«Atəşkəs şəraitində yaşamağımıza baxmayaraq hər həftə əsgər ölümü xəbərləri eşidirik! Ölümlərə səbəb olanlar cəzalandırılmır. Əgər biz bu haqsızlığa DUR deməsək heç kim deməyəcək!».

Sosial şəbəkələrdə etiraz kampaniyasını dəstəkləyənlərin sayı 7 mini ötüb.

Ceyhun Qubadovun ölümü ilə bağlı isə Respublika Hərbi Prokurorluğunda cinayət işi açılıb.

Günün bütün mövzuları

Şərhləri göstər

XS
SM
MD
LG