Fransız aktyora Rusiya Federasiyasının pasportu verildi
Fransalı aktyor Gerard Depardieu və Rusiya prezident Vladimir Putin Soçidə görüş zamanı
Fransız aktyora Rusiya Federasiyasının pasportu verildi
-
Rusiya prezidenti Vladimir Putin fransalı aktyor Gérard Depardieu-yə Rusiya federasiyasının pasportunu təqdim edib.
RiaNovosti agentliyinin Prezidentin mətbuat katibi Dmitriy Peskova istinadla verdiyi xəbərə görə, prezidentlə aktyor Soçidə görüşüblər və bu qısa görüşdə Vladimir Putin Gérard Depardieu-ə Rusiya Federasiyasının pasportunu təqdim edib.
Putinin şəxsi saytında verilən məlumata görə, aktyor prezidentlə Qriqoriy Rasputin barədə çəkilmiş rus-fransız filmdə oynadığı baş rol barədə danışıb.
Vladimir Putin aktyor Gérard Depardieu-ə Rusiya vətəndaşlığının verilməsi barədə Fərmanı yanvarın 3-də imzalayıb. Fərmanda deyilirdi ki, «Rusiya Federasiyası Konstitusiyasının 89-cu maddəsinin «a» bəndinə əsasən 1948-ci ildə Fransada anadan olmuş Gérard Depardieu-nin Rusiya vətəndaşlığının qəbuluna dair müraciəti təmin olunsun».
Gérard Depardieu Fransanın yeni prezidenti Francois Hollande-nin vergi islahatından (ildə bir milyondan çox gəlirə 75 faiz vergi tətbiq edib) sonra Fransa vətəndaşlığından imtina etdiyini bildirib, Belçikaya getmişdi.
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
