ABŞ prezidenti Barack Obamanın (Barak Obama) bazar günü imzaladığı qanun hökumətə daha 5 il müddətinə terrorçular və xarici kəşfiyyat orqanlarının başqa ölkələrdə izlənməsinə imkan verir.
Xarici Kəşfiyyata Nəzarət Aktı adlanan ABŞ hökumətinə məhkəmə qərarı olmadan başqa ölkələrdə telefon danışıqlarını izləməyə, e-mail yazışmalarını oxumağa imkan verir. Amma bu qanun ABŞ vətəndaşlarının eyni qaydada izlənməsinə icazə vermir. Hökumət yalnız məhkəmə qərarı ilə amerikalıları müşahidə altında saxlaya bilər.
Senat sənədi dekabrın 28-də təsdiq etmişdi.