Keçid linkləri

logo-print
2016, 04 Dekabr, bazar, Bakı vaxtı 16:27
-
Reportajda qədim «İpək yolu»nun Şəkidən keçməsi də, şəkililərin güclü yumor hissi olması da vurğulanıb

Mədəniyyət və Turizm Nazirliyi ilə ABŞ-ın CNN telekanalı arasında əməkdaşlıq çərçivəsində Azərbaycanın qədim guşələrindən biri olan Şəki haqqında reportaj hazırlanıb.

Xəbəri Mədəniyyət və Turizm Nazirliyinin saytı yayıb.

Reportajda qədim «İpək yolu»nun üzərində yerləşən Şəkinin geniş turizm potensialı, zəngin tarix və mədəniyyət abidələri, əl sənətkarlığı nümunələri, təbii sərvətləri haqqında bilgi verilir. Onun keçmiş dövrlərdən mühüm ticarət mərkəzlərindən biri olması bildirilir.
Reportajda Şəkinin Sovetlər dönənimdə bölgənin əsas ipək istehsalçılarından biri olduğu və hazırda da regionda ipək istehsalının müasir üsullarla davam etdirildiyi xəbər verilir.

Materialda şəkililərin qonaqpərvərliyi və güclü yumor hissinin olduğu da vurğulanır.

Mədəniyyət və Turizm Nazirliyi CNN telekanalı ilə 2006-cı ildən əməkdaşlıq edir və telekanalda Azərbaycanın turizm potensialına dair müxtəlif növ reklam çarxları yayımlanır, bir sıra silsilə verilişlər efirə verilir.

Reportajı buradan izləyə bilərsiniz.

Günün bütün mövzuları

XS
SM
MD
LG