Keçid linkləri

2016, 10 Dekabr, şənbə, Bakı vaxtı 03:40

ATƏT-in Minsk Qrupu noyabrın 26-da regiona səfər edəcək


Robert Bradtke, Igor Popov, Jacques Faure

Robert Bradtke, Igor Popov, Jacques Faure

-

ATƏT-in Minsk Qrupu həmsədrlərinin regiona növbəti səfərinin tarixi açıqlanıb.

APA-nın məlumatına görə, səfərə Azərbaycandan başlayacaq həmsədrlər noyabrın 26-da Bakıda bir sıra görüşlər keçirəcəklər. Həmsədrlərin XİN başçısı Elmar Məmmədyarov və prezident İlham Əliyevlə görüşü planlaşdırılır.

Həmsədrlər səfər zamanı bəyan etdikləri kimi «Dağlıq Qarabağ münaqişəsinin nizamlanmasına dair yeni ideyalar təklif edəcəklər».

Vasitəçilərin regiona səfəri ATƏT Xarici İşlər Nazirləri Şurasının Dublində keçiriləcək toplantısı ərəfəsinə təsadüf edəcək. Həmsədrlərin də dekabrın 6-7-də keçiriləcək toplantıda iştirakı nəzərdə tutulur.

Onlar regiona səfər zamanı Ermənistan xarici işlər naziri və prezidenti ilə görüş planlaşdırırlar.

Hava şəraiti imkan verəcəyi təqdirdə həmsədrlər Azərbaycanın erməni işğalı altında olan Dağlıq Qarabağ regionuna da səfəri gözlənilir.

Günün bütün mövzuları

XS
SM
MD
LG