Keçid linkləri

2016, 08 Dekabr, Cümə axşamı, Bakı vaxtı 18:34

Ağzına daş təpldi türkcə dil açan balaca uşaqların...


Şəlalə Cavanşir

Şəlalə Cavanşir

-


Şəlalə Cavanşir

Iran (Ərdəbil)


TORPAQ ALTINDA QALAN DİLİMİZ

Ana dilim
Sən basqı altında qaldın
əzildikcə dirəniş gücün artdı
sən ölkəmizə oba-oba, kənd- kənd, şəhər-şəhər sıxışdırıldın
sıxışdırıldıqca
bağrımıza təpildin , köksümüzdə yuvalandın
səni, Füzulinin qəzəllərində sevdik , Qorqud dədənin qopuzunda
sən bizim soyumuzun , kimligimizin canlı tablosu oldun
yox olmadın, yox olmayacaqsan
yurdumuz dağıldı, dağıdıldı
torpaq altında qaldı türkcə hayqıran analarımız
torpaq altında qaldı türkcə hayqıran dədələrimiz
torpaq altında qaldı türkcə hayqıran gəlinlərimiz
torpaq altında qaldi türkcə hayqıran gənc igidlərimiz
yardımlarına gələn olmadı, olmaz oldu
boğuldular, torpaq altında qalıb boğuldular
çünkü türkcə hayqırdılar
türkcə hayqırdılar son nəfəsləri ilə analarımız
türkcə hayqırdılar son nəfəslərində uşaqlarımız
türkcə bağırdılar gənc igidlər
türkcə hayqırdıqları üçün öldülər
türkcə bağırdıqları üçün öldülər
uçuqlar altında qaldın dilim
uçuqlar altında qaldın türkcəm
uçuqlar altında qaldın ölkəm
uçuqlar altında qaldın ana dilim
yurdum uçuq – xərabələrə dönüşdü
dönüşdürüldü
yaralar açıldı yurdumun bağrında
ürəyi param- parça oldu ölkəmin
bağrı dəlik–deşik oldu Fuzuli qəzəllərinin
könlünə atəş qoyuldu Kaşqarlı dilinin
qaranlığın dalğalandığı ölkəmdə
beşiklərində öldülər balaca uşaqlar
ağzına daş təpldi türkcə dil açan balaca uşaqların
Herisdən, Vərziqandan, Əhərdən, Qaradağdan
qara xəbər yayıldı
Qarabağın qara xəbərlərinə qaralar qatıldı
türkcə ağular söylədi
ağbirçək analar
türkcə ağladı analar
sən ölmədin, mənim türkcəm
sən yaşayırsan bağrımızda
sən yaşayacaqsan ağlımızda
sənin üçün, yalnız sənin üçün yaşayanlar var ana dilim
sən bizim gerçək qurtuluş bayrağımızsan türkcəm
qəlbimizdə dalğalanan bayrağımızsan,
bayrağımızsan.
XS
SM
MD
LG