Keçid linkləri

logo-print
2016, 05 Dekabr, Bazar ertəsi, Bakı vaxtı 12:37
-
ABŞ-ın Mərkəzi Kəşfiyyat İdarəsinin (CIA) rəhbəri David H.Petraeus nikahdankənar əlaqələrə görə istefa verdiyini açıqlayıb.

Bu barədə «Reuters» məlumat yayıb.

David H.Petraeus-un noyabrın 9-da CIA-nın rəsmi saytında yerləşdirdiyi bəyanatda belə deyilir.

«Dünən günorta Ağ evə gedib prezidentdən şəxsi səbəblərə görə mənim istefamı qəbul etməsini xahiş etdim. 37 illik birgə evlilik həyatından sonra mən həyat yoldaşıma xəyanət etmişəm. Bu davranış bir ər, CIA kimi bir təşkilatın rəhbəri üçün yolverilməzdir. Günün ikinci yarısı prezident mənim istefamı qəbul etdi» –deyə David H. Petraeus-un açıqlamasında bildirilir.

«Reuters»in məlumatına görə, generalın məşuqəsi onun şəxsi bioqrafıdır. Bu, David H.Petraeus-un elektron poçtuna qanunsuz müdaxilə ilə əlaqədar aparılan araşdırma zamanı üzə çıxıb. Məlum olub ki, CIA rəhbərinin şəxsi bioqrafı Paula Broadwell-in onun məxfi yazışmalarına girişi olub. Məktubların araşdırılması zamanı onların arasında münasibətlər də üzə çıxıb».

Prezident Barack Obama istefasını qəbul etdiyi David H.Petraeus-un onilliklər boyu ABŞ-a sədaqətlə xidmət etdiyini deyib. Onu öz nəslinin ən görkəmli hərbi rəhbəri adlandırıb. «David Petraeus bizim ölkəni güclü edib», - deyə Obama bildirib.

ABŞ Mərkəzi Kəşfiyyat İdarəsinə yeni direktor vəzifəsinə bu qurumun əməkdaşı 54 yaşlı Michael Morell təyin edilib.

Günün bütün mövzuları

Şərhləri göstər

XS
SM
MD
LG