Rusiyanın döyüş təyyarələri istehsal edən şirkətinin rəhbəri bildirib ki, 2014-cü ildən hərbi hava qüvvələri yeni MİG-35 təyyarələri alacağını gözləyir. Müdafiə Nazirliyi ilə bu barədə müqavilənin oktyabrın 25-də imzalanması gözlənir.
Rusiya Dövlət Dumasının Müdafiə Məsələləri Komitəsinin rəhbəri Vladimir Komoedov da dünən deyib ki, onun ölkəsi 2015-ci ilə qədər nüvə silahlarına 3 milyard dollardan çox pul xərcləyəcək.
Prezident Vladimir Putin sonuncu seçkiqabağı çıxışlarında qarşıdakı 10 ildə ordunun yenidən silahlanmasına 770 milyard dollar xərcləyəcəklərini vəd edib.