Türkiyə həbsdə olan jurnalistlərin sayına görə, dünyada lider ölkədir. Bu barədə Jurnalistləri Müdafiə Komitəsi oktyabrın 22-də açıqladığı yeni hesabatında bildirib.
JMK deyib ki, 2012-ci il avqustun 1-nə olan məlumata görə, Türkiyədə 76 jurnalist həbsdədir. Onların 61-i öz fəaliyyətlərinin nəticəsi olaraq həbs edilib.
Komitə onu da əlavə edir ki, həbsdə olan jurnalistlərin 70 faizi kürddür. Həbsxanadakı media işçilərinin 30 faizi hökumətə qarşı sui-qəsddə və ya qeyri-qanuni təşkilatlarda iştirak etməkdə suçlanır.
Hesabatda qeyd olunur ki, həbsdə olan jurnalistlərin 1/3-i hər hansı ittihamla təqsirləndirilməyib, onlar hələ də məhkəmə prosesinin nəticəsini gözləyirlər.
Adətən onlara qarşı ittihamlar ondan doğur ki, jurnalistlər ya təhlükəsizlik əməkdaşları ilə danışırlar, ya da sənədlər əldə edirlər.
ÖTƏN İL TÜRKİYƏDƏ JURNALİSTLƏRƏ QARŞI 5 MİN CİNAYƏT İŞİ AÇILIB
Hesabatda göstərilib ki, 2011-ci ildə jurnalistlərə qarşı 5 min cinayət işi açılıb.
JMK Türkiyə hökumətini filtrə icazə verən «İnternet haqqında qanuna» görə də tənqid edib.
Komitənin icraçı direktoru Joel Simon deyib ki, «Türkiyənin tənqidi jurnalistikanı terrorizmlə bərabərləşdirmək tendensiyası ölkənin təhlükəsizlik narahatlıqlarına haqq qazandırmır».
Komitə ölkənin baş naziri Rəcəp Tayyip Ərdoğana tövsiyə edib ki, mətbuata qarşı hücumu dayandırsın və jurnalistlərə qarşı ədaləti təmin etsin.
Joel Simon bildirib ki, «Türkiyənin regional və qlobal gücünün artması, iqtisadi və siyasi uğurları söz və ifadə azadlığına, ideyalara hörmət qoyması ilə səsləşməlidir».
JMK deyib ki, 2012-ci il avqustun 1-nə olan məlumata görə, Türkiyədə 76 jurnalist həbsdədir. Onların 61-i öz fəaliyyətlərinin nəticəsi olaraq həbs edilib.
Komitə onu da əlavə edir ki, həbsdə olan jurnalistlərin 70 faizi kürddür. Həbsxanadakı media işçilərinin 30 faizi hökumətə qarşı sui-qəsddə və ya qeyri-qanuni təşkilatlarda iştirak etməkdə suçlanır.
Hesabatda qeyd olunur ki, həbsdə olan jurnalistlərin 1/3-i hər hansı ittihamla təqsirləndirilməyib, onlar hələ də məhkəmə prosesinin nəticəsini gözləyirlər.
Adətən onlara qarşı ittihamlar ondan doğur ki, jurnalistlər ya təhlükəsizlik əməkdaşları ilə danışırlar, ya da sənədlər əldə edirlər.
ÖTƏN İL TÜRKİYƏDƏ JURNALİSTLƏRƏ QARŞI 5 MİN CİNAYƏT İŞİ AÇILIB
Hesabatda göstərilib ki, 2011-ci ildə jurnalistlərə qarşı 5 min cinayət işi açılıb.
JMK Türkiyə hökumətini filtrə icazə verən «İnternet haqqında qanuna» görə də tənqid edib.
Komitənin icraçı direktoru Joel Simon deyib ki, «Türkiyənin tənqidi jurnalistikanı terrorizmlə bərabərləşdirmək tendensiyası ölkənin təhlükəsizlik narahatlıqlarına haqq qazandırmır».
Komitə ölkənin baş naziri Rəcəp Tayyip Ərdoğana tövsiyə edib ki, mətbuata qarşı hücumu dayandırsın və jurnalistlərə qarşı ədaləti təmin etsin.
Joel Simon bildirib ki, «Türkiyənin regional və qlobal gücünün artması, iqtisadi və siyasi uğurları söz və ifadə azadlığına, ideyalara hörmət qoyması ilə səsləşməlidir».
