Keçid linkləri

2016, 10 Dekabr, şənbə, Bakı vaxtı 15:21

«Artıq İctimai Palatadan çıxan arxaya baxmadan bu qurumdan qaçır»


Mətbuat icmalı

Mətbuat icmalı

GÜLƏR ƏHMƏDOVA YAP-A QALİB GƏLİB?

«Azadlıq» qəzeti Gülər Əhmədovanın YAP-a qalib gəldiyini yazır. Qəzet bildirir ki, «sabiq deputat BDU-da işə çıxdı, hakim partiyanın Yasamal təşkilatından onunla bağlı toplantı gözlənilmədiyi bildirildi».

Qəzet həmçinin yazır ki, həmin vaxt «sabiq deputatın dərs dediyi 805-ci otağın yerləşdiyi dəhlizdə tələbələrin gediş-gəlişi məhdudlaşdırılıbmış.

MÜTƏLLİBOV AZƏRBAYCAN ORDUSU HAQDA

«Mənim səylərimlə Azərbaycan peşəkar ordu əldə etdi». Bunu «Bizim yol»a müsahibəsində eks-prezident Ayaz Mütəllibov deyib. O, həm də deyib ki, «əgər MDB-yə daxil olmasaydıq, Rusiya ordu üçün bütün növ silah və texnikanı verməyəcəkdi».

AZƏRBAYCAN VƏ ERMƏNİSTAN ARASINDA «RAKET MÜHARİBƏSİ»

«Yeni Müsavat» qəzeti «Ermənistan Azərbaycan arasında mümkün raket müharibəsi»ndən yazır. Qəzetə görə, Ermənistanın hədəsindən sonra tərəflər raket arsenalının imkanlarını gündəmə gətirib. Azərbaycan daha etibarlı havadan müdafiə sistemlərinə və uzaqvuran silahlara malikdir».

Qəzet həm də əlavə edir ki, «Rusiya 102-ci bazaya aid «S-300» raketlərini Qarabağ yaxınlığında yerləşdirməklə status-kvonu saxlamaq yönündə daha bir addım atır».

İP NAĞILLARI?

«Artıq İctimai Palatadan çıxan arxaya baxmadan bu qurumdan qaçır». Bunu «Yeni Azərbaycan» qəzeti yazır. «Əslində, bu İP deyilən zadda heç kim birləşməmişdi. Sadəcə, hərə gəlib «maaş»ı alıb, altına bir stul çəkib otururdu. Radikal düşərgəyə yaxın hər qəzet də 3-4 şəkil çəkib yazı yazırdı. Vəssalam... Bu da «möhtəşəm, yenilməz, «pavorota girməz», yolundan dönməz İP» nağılları idi».

Günün bütün mövzuları

Şərhləri göstər

XS
SM
MD
LG