Keçid linkləri

2024, 28 Mart, Cümə axşamı, Bakı vaxtı 19:25

ABŞ səfiri: «Əsas mövzu seçkilərin demokratik olub-olmayacağıdır»


Richard Morningstar
Richard Morningstar
ABŞ-ın Azərbaycandakı səfiri Riсhard Morningstar «Turan» agentliyinə müsahibə verib.

Agentliyin «Gələn il Azərbaycanda prezident seçkisi keçiriləcək. ABŞ İlham Əliyevin üçüncü dəfə prezidentliyə namizədliyinin irəli sürülməsi niyyətini necə qiymətləndirir» sualını Richard Morningstar belə cavablandırıb:

«Mövzunun İlham Əliyevin üçüncü dəfə namizəd irəli sürülüb-sürülməyəcəyi məsələsi olduğunu düşünmürəm. Əsas mövzu seçkilərin demokratik olub-olmayacağıdır. Hakimiyyətə beynəlxalq öhdəliklərini yerinə yetirməsində dəstək məqsədilə onunla əməkdaşlıq edəcəyik. Biz həmçinin dərk edirik ki, demokratiya təkcə seçkilər günü demək deyil. Demokratiya azad və fəal vətəndaş cəmiyyəti, açıq və şəffaf institutlar deməkdir.

KİV və ifadə azadlığı olmadan ədalətli seçki təsəvvür etmək mümkün deyil. Başa düşürük ki, bütün bu şərtlərə riayət etməklə seçkilərin ədalətliliyini təmin etmək olar və bunu hökumətə açıq-aşkar söyləyirik. İnanmaq istərdik ki, hakimiyyətin demokratiya və plüralizmə sadiqlik təminatları yerinə yetiriləcək».

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG