Keçid linkləri

2016, 08 Dekabr, Cümə axşamı, Bakı vaxtı 18:29

Zaur Qurbanlının vəkili prokurorluğa müraciət edib


-
Oktyabrın 5-də vəkil Aslan İsmayılov bloqqer Zaur Qurbanlının həbsinin əsassız olması ilə əlaqədar Baş Prokurorluğa ərizə ilə müraciət edib.

Vəkil deyir ki, şikayətin bir səbəbi də gənc fəalın DİN-in Mütəşəkkil Cinayətkarlığa qarşı Mübarizə İdarəsində saxlanmasıdır:

«Onun «Bandotdel»də saxlanılması psixoloji təsir göstərmək məqsədi daşıyır. Əlimdə order ola-ola bu gün görüş istədim. Görüşə icazə vermədirlər. Heç bir izah da vermədilər».

Zaur Qurbanlı ilə oktyabrın 4-də görüşdüyünü deyən vəkil onun vəziyyətinin yaxşı olduğunu bildirdi.

Zaur Qurbanlının üzvü olduğu NİDA Vətəndaş Hərəkatının bir neçə üzvü də oktyabrın 5-də prokurorluğa ərizə ilə müraciət edib. Müraciətlərinə hələ ki cavab verilməyib. Buna görə yenidən fərdi şəkildə ərizə ilə müraciət edəcəklərini deyirlər.

NİDA-nın idarə heyətinin üzvü Ziya Bayramov deyir ki, Prokurorluğa 100-ə yaxın ərizənin yollanması nəzərdə tutulur. O, aksiyanın davamlı olacağını deyir.

Gənc bloqqer Zaur Qurbanlı sentyabrın 29-da saxlanıb. Rəsmi informasiyaya görə, o, narkotik vasitələrin qanunsuz dövriyyəsi ilə əlaqədar daxil olan əməliyyat məlumatı əsasında saxlanıb. Onun saxlanarkən polis əməkdaşlarına müqavimət göstərdiyi deyilir. Barəsində 15 sutka inzibati həbs qərarı çıxarılıb.
XS
SM
MD
LG