Keçid linkləri

2016, 07 Dekabr, çərşənbə, Bakı vaxtı 22:39
-
Gürcüstan prezidenti Mikheil Saakashvili televiziya ilə müraciətində hakim Birləşmiş Milli Hərəkat Partiyasının parlament seçkisində uduzduğunu və müxalifətə keçdiyini bəyan edib.

Bazar ertəsi keçirilmiş seçkinin ilkin nəticələrinə görə, səslərin çoxunu müxalifətdə olan «Gürcü arzusu» koalisiyası qazanıb.

Müxalifət lideri və işadamı olan Bidzina Ivanishvili ölkə tarixində maraqlı presedent baş verdiyini, tarixdə ilk dəfədir ki, hökumətin seçki ilə dəyişdiyini deyib.

Gələn il qüvvəyə minəcək qanuna əsasən, parlament və Baş nazirə böyük səlahiyyətlər veriləcək.

2003-cü ildə hakimiyyətə gəlmiş Saakashvili’nin səlahiyyətləri 2013-cü ildə sona yetir.

Qərb tərəfdarı olan Saakashvili hesab edir ki, Ivanishvili ölkəni yenidən Moskvanın nüfuz dairəsinə qaytaracaq.

Ivanishvili bunu inkar edir, eyni zamanda Rusiya ilə münasibətlərin yaxşılaşdırılmasının tərəfdarı olduğunu deyir.

Beynəlxalq müşahidəçilər seçkinin azad və ədalətli olduğunu deyirlər.

Günün bütün mövzuları

XS
SM
MD
LG