Oktyabrın 1-i saat 13.30 radələrində Heydər Əliyev adına Neft Emalı Zavodunda qəza olub.
Nizami rayon Polis İdarəsinin növbətçi hissəsindən AzadlıqRadiosuna bildiriblər ki, qaz borusuna yüksək təzyiqli qaz dolduğundan ani partlayış olub.
Hadisə yerinə Fövqəladə Hallar Nazirliyinin yanğınsöndürənləri gəlib.
Polis hadisə zamanı ölən və yaralananların olmadığını bildirib.
ARDNŞ ZAVODDA PARTLAYIŞ OLMADIĞINI DEYİR
Azərbaycan Dövlət Neft Şirkəti oktyabrın 1-də Heydər Əliyev adına Bakı Neft Emalı Zavodunda təmir işlərinin davam etdirilməsi haqqında məlumat yayıb.
Şirkətin saytının yaydığı məlumatda deyilir ki, Heydər Əliyev adına Bakı Neft Emalı Zavodunun 55 saylı katalitik krekinq qurğusu sentyabrın 28-dən təmirə dayandırılıb:
«Təmir prosesində sistemdəki qaz boşaldılan zaman borunun içərisində olan kükürdlü birləşmələrin hava ilə təması nəticəsində bir qayda olaraq borunun ağzında yüngül partlayış görüntüsü yaranır. Odur ki, təmir zamanı yanğınsöndürən maşınların qurğunun yanında növbə çəkməsi texnoloji prosesin tərkib hissəsidir. Oktyabrın 1-də 55 saylı qurğunun məşəl xəttində siyirtmənin dəyişdirilməsi zamanı belə bir gurultu qeydə alınıb».
Məlumatda bildirilir ki, «buna baxmayaraq, ətraf mühitə və insanlara heç bir ziyan dəyməyib, yanğın baş verməyib. Qurğuda təmir işləri davam etdirilir».
Nizami rayon Polis İdarəsinin növbətçi hissəsindən AzadlıqRadiosuna bildiriblər ki, qaz borusuna yüksək təzyiqli qaz dolduğundan ani partlayış olub.
Hadisə yerinə Fövqəladə Hallar Nazirliyinin yanğınsöndürənləri gəlib.
Polis hadisə zamanı ölən və yaralananların olmadığını bildirib.
ARDNŞ ZAVODDA PARTLAYIŞ OLMADIĞINI DEYİR
Azərbaycan Dövlət Neft Şirkəti oktyabrın 1-də Heydər Əliyev adına Bakı Neft Emalı Zavodunda təmir işlərinin davam etdirilməsi haqqında məlumat yayıb.
Şirkətin saytının yaydığı məlumatda deyilir ki, Heydər Əliyev adına Bakı Neft Emalı Zavodunun 55 saylı katalitik krekinq qurğusu sentyabrın 28-dən təmirə dayandırılıb:
«Təmir prosesində sistemdəki qaz boşaldılan zaman borunun içərisində olan kükürdlü birləşmələrin hava ilə təması nəticəsində bir qayda olaraq borunun ağzında yüngül partlayış görüntüsü yaranır. Odur ki, təmir zamanı yanğınsöndürən maşınların qurğunun yanında növbə çəkməsi texnoloji prosesin tərkib hissəsidir. Oktyabrın 1-də 55 saylı qurğunun məşəl xəttində siyirtmənin dəyişdirilməsi zamanı belə bir gurultu qeydə alınıb».
Məlumatda bildirilir ki, «buna baxmayaraq, ətraf mühitə və insanlara heç bir ziyan dəyməyib, yanğın baş verməyib. Qurğuda təmir işləri davam etdirilir».
