Keçid linkləri

logo-print
2016, 03 Dekabr, şənbə, Bakı vaxtı 13:45

Yeni orfoqrafiya lüğətində bəzi sözlərin yazılış forması dəyişdirilir


Azərbaycan Milli Elmlər Akademiyası

Azərbaycan Milli Elmlər Akademiyası

Azərbaycan dilinin sözlərinin yazılışında əsas mənbə hesab edilən orfoqrafiya lüğəti yenidən hazırlanıb.

Azərbaycan Milli Elmlər Akademiyasının Dilçilik İnstitutunun direktor əvəzi Fəxrəddin Veysəlli cümə axşamı Trend-ə bildirib ki, yeni orfoqrafiya lüğəti əvvəlkindən çox fərqlənəcək. Orada rus dilindən alınma və sonu rus dilində olduğu kimi, «a» ilə bitən bır sıra sözlərdə «a» hərfi götürüləcək. Məsələn, «metafora» sözü metafor, «marfema» sözü marfem kimi yazılacaq.

Yeni lüğətə görə, artıq kompüter sözü bir çoxlarının yazdığı və əvvəlki lüğətdə göstərildiyi kimi, «kompyuter» kimi deyil, «kompüter» kimi yazılmalıdır.

«Şeir» sözü «i» ilə yazılırdı, amma «feil» sözündə isə «i» saiti yazılmırdı. İndi «feil» sözündə «i» saiti də yazılacaq», - Veysəlli əlavə edib.

Fəxrəddin Veysəlli

Fəxrəddin Veysəlli

O, əvvəlki lüğətdə mürəkkəb söz kimi verilən bəzi birləşmələrin də yeni orfoqrafiya lüğətində öz əksini tapmayacağını açıqlayıb.

BƏZİ SÖZLƏR DEFİSLƏ YAZILACAQ

Dilçilik İnstitutunun Lüğətçilik şöbəsinin müdiri İsmayıl Məmmədov isə deyib ki, yeni lüğətə «diskresiya», «toparlamaq», «transsərhəd», «aksesuar», «ağır-cəngi», «kimlik» (şəxsiyyət vəsiqəsi kimi), super-yaxta, super-market, ober-şturmbannfürer, ober-ştrumfürer, ober-leytenant, ober-zabit və s. daxil ediləcək. Cism sözü cisim kimi yazılacaq. Vitse, super, ober, anti, eks sözlərindən sonra isə defis işarəsi qoyulacaq.

Məmmədov bildirib ki, yeni lüğət artıq çap olunmaq üçün «Qərb və Şərq» nəşriyyatına təqdim edilib. Onun yaxın aylarda işıq üzü görəcəyi gözlənilir.

Bu yaxınlarda yayılan məlumatlarda Dilçilik İnstitutu tərəfindən hazırlanmış yeni orfoqrafiya lüğətinin Prezident Administrasiyası tərəfindən narazılıqla qarşılandığı bildirilmişdi.

İnstitutun direktor əvəzi Fəxrəddin Veysəlli isə həmin lüğətin onun rəhbərlik etdiyi quruma aid olmadığını və hazırladıqları lüğətin bu günlərdə çap üçün nəşriyyata təqdim edildiyini bildirib.

Günün bütün mövzuları

Şərhləri göstər

XS
SM
MD
LG