Keçid linkləri

2016, 11 Dekabr, bazar, Bakı vaxtı 04:33
-

Çingiz Aytmatovun arxivindən nəşr olunmamış “Torpaq və fleyta” adlı romanının əlyazması tapılıb.

Xəbəri K-News saytı yazıçının qızı Şirin Aytmatovaya istinadla yayıb.

Romanda Qırğızıstandakı Böyük Çuy kanalının tikintisində iştirak edən bir adamın həyat tarixçəsi əks olunub.

“Əlyazmanın vərəqləri saraldığından, düşünürük ki, atam bu romanı çoxdan yazıb. Onu təzədən elektron formata saldıq. Bu ilin içində onu rus dilində nəşr etdirmək istəyirik”--Xanım Aytmatova belə deyib.

Yazıçının qızı romanın çox emosional olduğunu, böyük yazıçının o üzdən romanı sağlığında çap etdirmək istəmədiyini bildirib.

Şirin Aytmatova romanın gələcəkdə ingilis dilinə tərcüməsinin də gerçəkləşdiriləcəyini söyləyib.

Qırğız yazıçısı Çingiz Aytmatov (1928-2008) dünya ədəbiyyatının klassiklərindən sayılır. O “İlk müəllim”, Gün var əsrə bərabər”, “Darağacı” , “Əlvida, Gülsarı” və s məşhur romanların müəllifidir.

Yazıçı Sovetlər dönəmində 3 dəfə Dövlət Mükafatına və dünyanın saysız ədəbiyyat mükafatlarına layiq görülüb.
Çingiz Aytmatov qızı Şirinlə, 1985

Çingiz Aytmatov qızı Şirinlə, 1985

Günün bütün mövzuları

XS
SM
MD
LG