Keçid linkləri

2016, 05 Dekabr, Bazar ertəsi, Bakı vaxtı 04:46
Yevlaxda yaşayan Əli Səfərov 10 aydır ki, Əmək və Əhalinin Sosial Müdafiəsi Nazirliyinin rayon Sosial Müdafiə Mərkəzinə ayaq döyür. O, sosial rifahını yaxşılaşdırmaq üçün dövlətin yardımından yararlanmaq istəyir.

«ÖZ HESABLAMALARI İLƏ BİZƏ SOSİAL YARDIM DÜŞÜR»

«10 aydır ki, Mərkəzin işçiləri məni ələ salır. Hər dəfə aylıq gəlirimi hesablayırlar, vururlar-çıxırlar, deyirlər, bəli, sənə ünvanlı sosial yardım düşür. Mənim aylıq gəlirim 244 manat 31 qəpikdir. Ailədə 4 nəfərik. Özlərinin hesablamalarına görə, bizim ailəyə 91 manat 69 qəpik ünvanlı sosial yardım, ikinci uşağım 1 yaşına çatmadığına görə isə əlavə 40 manat da ona görə verilməlidir. Ancaq mən sənədlərimi təqdim edəndə deyirlər göstəriş var ki, vətəndaşlardan sənəd qəbul etməyək. Başa düşə bilmirəm, əgər bu yardım mənə düşürsə niyə sənədlərimi qəbul etmirlər? Bu göstəriş haradan, kimdən gəlir? Bunu aydınlaşdırmağa çalışanda deyirlər çıx bayıra, səs-küy salıb idarənin işinə mane olma».

Əli Səfərov deyir ki, Ombudsman Aparatına üç dəfə şikayət yazıb. İki şikayət məktubuna cavab gəlib ki, məktubu səhv yazıb göndərib. Üçüncü məktubuna isə hələ cavab almayıb.

«SƏNƏDLƏRİNİ MƏRKƏZƏ POÇTLA GÖNDƏRSİN»

Yevlax rayon Sosial Müdafiə Mərkəzindən «Qaynar xətt»ə bildirdilər ki, Əli Səfərov Mərkəzə tez-tez gəlib gedir. Həqiqətən də onun sənədləri qəbul edilməyib və bildirilib ki, o, sənədlərini Mərkəzə poçt vasitəsi ilə göndərməlidir. Əgər belə etsə, ona ünvanlı sosial yardım düşüb-düşmədiyi araşdırılandan sonra sənədlərini ya qəbul edəcəklər, ya da yox.

Cabbar Həsənov

Cabbar Həsənov

Vəkil Cabbar Həsənov deyir qanunda belə bir müddəa yoxdur ki, vətəndaş ünvanlı sosial yardım üçün yalnız poçt vasitəsilə müraciət etməlidir:

«Vətəndaş Ərazi üzrə Sosial Müdafiə Mərkəzinə yaxınlaşıb ünvanlı sosial yardım təyinatı üçün topladığı sənədləri müvafiq şöbəyə təqdim etməlidir. Sənədlər araşdırılır və vətəndaşa qısa müddət ərzində ya müsbət, ya da mənfi cavab verilir. Ancaq vətəndaş sənədlərini poçtla da göndərə bilər. Vətəndaş sənədlərini poçt vasitəsilə göndərərsə, özünə xeyirdir ki, əgər ona imtina edilərsə Mərkəz işçilərinin hərəkətlərindən məhkəməyə daha rahat müraciət edə bilər».

Vəkil Əli Səfərova Yevlax rayon Sosial Müdafiə Mərkəzinə poçt vasitəsi ilə müraciət etməyi, mənfi cavab alarsa həmin cavab məktubundan məhkəməyə şikayət verməyi məsləhət görür. Vəkil deyir ki, Əli Səfərov hesab edirsə aylıq gəlirlərinə görə ona sosial yardım düşür, məhkəmə iddiasında ünvanlı sosial yardımın ayrılmasını Yevlax rayon Sosial Müdafiə Mərkəzinin üzərinə vəzifə kimi qoyulmasını xahiş etməlidir.

Siz də şikayətinizi buradan göndərə bilərsiz

ƏLAQƏ ÜÇÜN

nömrəmiz (+420) 778 711 700

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG