Keçid linkləri

2016, 09 Dekabr, Cümə, Bakı vaxtı 12:00
Azərbaycanda məhkumların saxlanma şəraiti yaxşılaşdırılacaq. Milli Məclisdən «Trend»ə verilən məlumatda belə deyilir. Artıq Cəzaların İcrası Məcəlləsinə dəyişikliklər barədə qanun layihəsi hazırlanıb.

«ÖMÜRLÜK» MƏHKUMLAR TELEFONLA DAHA ÇOX DANIŞA BİLƏCƏKLƏR

Layihədə məhkumların telefon danışıqlarının sayının artırılması nəzərdə tutulub.

Dəyişikliklərə görə, ömürlük azadlıqdan məhrum edilənlər həftədə bir dəfə 15 dəqiqə telefonla danışa bilərlər. Müəyyən müddətə azadlıqdan məhrum edilənlər isə həftədə iki dəfə bu hüquqdan yararlanmaq imkanı qazanacaqlar.

İndi qüvvədə olan qanuna görə, müəyyən müddətə azadlıqdan məhrum edilənlər həftədə bir dəfə, ömürlük azadlıqdan məhrum edilənlər ayda iki dəfə telefonla danışa bilirlər.

TELEFON DANIŞIQLARINA NƏZARƏT DƏ ARADAN QALDIRILA BİLƏR

Məlumatda deyilir ki, yeni layihədə məhkumların telefon danışıqlarına nəzarət qismən aradan qaldırılacaq.

Telefon danışıqlarına nəzarət aşağıdakı hallarda mümkün olacaq: cinayət təqibinin, cəzanın icrası prosesində ictimai qaydanın, təhlükəsizliyin və rejim tələblərinin təmin edilməsi, yeni cinayətlərin və digər hüquqpozmaların törədilməsinin qarşısının alınması, onlardan zərərçəkmiş şəxslərin müdafiəsi zərurəti yarandıqda. Bu hallarda cəzaçəkmə müəssisəsi müdiriyyətinin əsaslandırılmış qərarı ilə məhkumların telefon danışıqlarına nəzarət ediləcək.
Qanun layihəsi parlamentin payız sessiyasında müzakirəyə çıxarılacaq.

Günün bütün mövzuları

XS
SM
MD
LG