Keçid linkləri

2016, 10 Dekabr, şənbə, Bakı vaxtı 16:58

ABŞ səfirliyi növbəti xəbərdarlığı yaydı


-
ABŞ-ın Bakıdakı səfirliyi sentyabrın 21-də «Facebook» sosial şəbəkəsində xəbərdarlıq yayıb.

Məlumatda deyilir ki, cümə günü günorta saatlarında səfirlik qarşısında aksiya keçirilə bilər. Aksiyanın dünyada gedən anti-Amerika etirazlarına bağlı olduğu təxmin edilir.

Məlumatda daha sonra deyilir:

«Hətta dinc məqsədli aksiyalar belə zorakılıqla nəticələnə, öncədən gözlənilməyən nəticələr verə bilər. Hər zaman ayıq-sayıq olun».

AzadlıqRadiosunun əməkdaşı bildirir ki, səfirliyin mühafizəsi gücləndirilib. Həmin ərazidə çoxsaylı polis əməkdaşları var.

Bir neçə gün öncə də - sentyabrın 17-də ABŞ səfirliyi eyni məzmunda xəbərdarlıq yaymışdı. Az sonra səfirliyin qarşısında bir qrup şəxs Məhəmməd peyğəmbər haqda çəkilmiş «Müsəlmanların məsumluğu» filminə etiraz etmək istəsə də, polis bunun qarşısını almışdı.

Günün bütün mövzuları

XS
SM
MD
LG