Keçid linkləri

logo-print
2016, 05 Dekabr, Bazar ertəsi, Bakı vaxtı 22:48

Məhkəmə Nigar Yaqublunu yenə həbsdə saxladı


Abşeron rayon məhkəməsi Müsavat üzvü Nigar Yaqublunun həbsinin ev dustaqlığı ilə əvəzlənməsi barədə vəkillərin müraciətini təmin etməyib.

Məhkəmə qarşısına yığılan Müsavatçı gənclər hakimin qərarını etirazla qarşılayıblar. «İstefa» şüarları səsləndirən gənclərlə polis arasında qarşıdurma olub.

N. Yaqublu avqustun 25-də Müsavat üzvü Aydın Acalovun ölümü ilə nəticələnən avtomobil qəzası ilə əlaqədar saxlanıb. Sentyabrın 11-də barəsində 2 aylıq həbs qərarı çıxarılıb.

Mərhum Aydın Acalovun oğlu Rəşad Acalov istintaqa müraciət edərək atasının ölümü ilə bağlı heç kəsdən şikayətçi olmadığını bildirib.

DİN-nin yaydığı məlumatda qəzaya uğrayan avtomobili sürücülük hüququ olmayan N. Yaqublunun sürdüyü qeyd edilir.

Fakt üzrə Cinayət Məcəlləsinin 263.2-ci (Ehtiyatsızlıqdan zərərçəkmiş şəxsin ölümünə səbəb olan yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb. Məcəllədə bu əmələ görə, üç ilədək müddətə nəqliyyat vasitələrini idarə etmək hüququndan məhrum edilməklə iki ildən altı ilədək müddətə azadlıqdan məhrum etmə cəzası nəzərdə tutulur.

Günün bütün mövzuları

XS
SM
MD
LG