Keçid linkləri

2016, 06 Dekabr, çərşənbə axşamı, Bakı vaxtı 20:26

Bakı-Quba-Rusiya yolunda körpü uçub


Ötən gün saat 21:00 radələrində Bakı-Quba-Rusiya yolunun 176-cı kilometrliyində, Quru çay üzərindən keçən hissəsində körpü uçub.

Quba rayon Fövqəladə Hallar Komissiyasının sədri Yusif Abidovun Ans Press-ə verdiyi məlumata görə, uzunluğu 40 metr, eni 8 metr olan 1972-ci ildə tikilmiş körpünün 20 metrlik ərazisində 3 dəmir piltə uçub. Hadisə baş verərkən körpünün üstündə avtomobil olmayıb.

Hadisə yerinə Quba rayon Fövqəladə Hallar Nazirliyinin, Nəqliyyat Nazirliyinin əməkdaşalrı cəlb olunub. Körpü uçduğuna görə, Bakı-Quba-Rusiya yolu 1 saata yaxın bağlı olub. Dərhal alternativ yol düzəldilib. Hazırda həmin alternativ yolun genişlənməsi istiqamətində tədbirlər həyata keçirilir. Körpünün uçmasına səbəb ərazidə yağan intensiv yağışlar və körpünün üstündən keçən ağır tonnajlı maşınlar olub.

Rəsmilərin verdiyi məlumata görə, yaxın vaxtlarda uçan körpünün təmirinə başlanacaq. Bu Quba rayonu ərazisində son 6 ay ərzində uçan 2-ci körpüdür. Belə ki, aprel ayının 18-də Qaraçay üzərindəki körpü uçmuşdu.

Günün bütün mövzuları

XS
SM
MD
LG