Keçid linkləri

logo-print
2016, 06 Dekabr, çərşənbə axşamı, Bakı vaxtı 01:12

Misir Mərdanov: «Müəllimlərin işə qəbuluna mən qarışmıram»


Təhsil naziri Misir Mərdanov yeni tədris ilindəki yeniliklərdən danışıb. Lent.az-ın məlumatına görə, bununla bağlı mətbuat konfransı keçirən nazir bildirib ki, bu il də müəllim və şagirdləri yeniliklər gözləyir: «Bu il də 160-dan çox yeni məktəb inşa edilib. Daha bir neçəsi inşa olunacaq, təmir ediləcək. 5-ci sinfidə kirukluma başlanılacaq. Həmçinin, dərsliklərin məzmununda çoxlu yenilik var. İKT-nin məktəblərdə tətbiqi ilə bağlı uğurlu işlər görülür».

Nazir müəllimlərin işə qəbulundan danışaraq bildirib ki, bu proses xüsusi komissiya tərəfindən tənzimlənir: «Müəllimləri məktəb direktorları təyin etmir. Onların işə qəbuluna mən qarışmıram. Bununla bağlı bir xüsusi komissiya var. Müəllim olmaq istəyən şəxs imtahan verir. Qəbul olunarsa, məktəbdə işə başlayır».

Misir Mərdanov bildirib ki, hazırda bölgələrdə yenə də müəllim çatışmazlığı var: «Bu gün bölgələrdə hələ də kifayət qədər müəllim yoxdur. Bu problemi də bir ilə həll etmək olar».

Nazir bu il ilki tədris ilini yüksək qiymətləndirib. O qeyd edib ki, bu il 118 şagird qızıl medal alıb.

Günün bütün mövzuları

XS
SM
MD
LG