Keçid linkləri

2016, 07 Dekabr, çərşənbə, Bakı vaxtı 00:20
ABŞ-ın silah satışı 2011-ci ildə üç dəfə artaraq rekord həddə çatıb. Silahların əsas hissəsi İranın regional ambisiyalarından narahat olan Fars Körfəzi müttəfiqlərinə satılıb. Bu barədə Konqres üçün hazırlanan yeni araşdırmada bildirilib.

ABŞ-ın xaricə silah satışı ötən il 66.3 milyard dollar olub. Bu, dünya silah bazarının dörddə üçündən çox deməkdir.

2011-ci ildə dünya bazarında 85,3 milyard dollarlıq silah satışı olub. Rusiya 4,8 milyardlıq silah satışı ilə ikinci yerdə gəlir.

Araşdırmada göstərilir ki, dünya iqtisadi böhranı silah satışına da təsir göstərib.

Amma İranla yaşanan gərginliklər Fars Körfəzi ölkələrini - Səudiyyə Ərəbistanını, Birləşmiş Ərəb Əmirliyini və Omanı ABŞ-dan rekord səviyyədə silah almağa vadar edib. Bu Körfəz ölkələri İranla sərhəd deyillər. Bu ölkələr daha çox bahalı hərbi təyyarələr və mürəkkəb reaktiv müdafiə silahları alıblar.

Günün bütün mövzuları

Şərhləri göstər

XS
SM
MD
LG