Keçid linkləri

logo-print
2016, 03 Dekabr, şənbə, Bakı vaxtı 15:48

Günel Şailqızı. Çay


-

ÇAY

Nəlbəkidə soyuyan çayın
bir qurtumu sənindi,
bir qurtumu mənim.
Mən dəmlədim,
sən tökdün.
Çay tünddür,
xasiyyətin də.
Hisslərimiz də bir içimlik çay idi.
Soyuyur nəlbəkidəkindən də tez.
Tüstüsü başımdan çıxır,
yadımdan çıxmır.
Belə ailələr çoxdur:
- nəlbəkisi tüstülənən,
- ya əzəldən çayı soyuq.
Bizim bir dərdimiz də var:
- Evimizdə qənd qurtarıb.
Çayını iç get yat.
Yuxun şirin olsun.
Heç olmasa, yuxun.

Günün bütün mövzuları

XS
SM
MD
LG