Keçid linkləri

logo-print
2016, 06 Dekabr, çərşənbə axşamı, Bakı vaxtı 07:12

Dil Qurumu Vergilər Nazirliyinə müraciət edib


-
Azərbaycan Dil Qurumu İctimai Birliyi dövlət dilinə uyğun olmayan firma adlarının dəyişdirilməsi üçün Vergilər Nazirliyinə müraciət edib.

Bu barədə AzadlıqRadiosuna Birliyin icraçı direktoru Anar Mahmudoğlu deyib.

Müraciətlərdə qeyd olunur ki, «Dövlət dili haqqında» Qanunun 17-ci maddəsinə əsasən, hüquqi şəxslərin, onların nümayəndəliklərinin və filiallarının, idarələrinin adları Azərbaycan dilinin normalarına uyğun olaraq yazılmalıdır.

İcraçı direktor deyir ki, onlar indiyə qədər Azərbaycan dilinin qaydalarını pozan 7 qurumla əlaqədar məhkəməyə müraciət ediblər:

«1 saylı İqtisad, həm də digər məhkəmələrdən bizə deyilib ki, iddia verməzdən əvvəl həmin qurumları qeydiyyata alan Vergilər Nazirliyinə müraciət edib dil qaydalarının pozulmasının qarşısını alaq. Ona görə də, bizim məhkəmələrə müraciətlərimiz dondurulub, baxılmamış qalıb. İndi Vergilər Nazirliyindən veriləcək cavabı gözləyirik».

Dil Qurumu İctimai Birliyi 2007-ci ildən yaradılıb. Təsisçisi və sədri deputat Sabir Rüstəmxanlıdır.

Günün bütün mövzuları

XS
SM
MD
LG